Leiðbeiningar

Hægt er að velja staðsetningu, punkt, á kortinu og birtast þá spár um ölduhæð, stefnu þeirra og sveiflutíma auk veðurspár og spár um sjávarföll. Vakin er athygli á að hér er alltaf um spá að ræða.

Séu upplýsingar úr ákveðnu öldudufli skoðaðar birtast bæði mæligögn en um leið möguleiki á að skoða spá fram í tímann. Mikilvægt er að rugla þessu ekki saman. Þessi gögn er hægt að skoða í hvoru tveggja myndrænni framsetningu og í töflum.

Gefin eru upp tvö gildi fyrir öldu. Þau eru kennialda í metrum og meðalsveiflutími í sekúndum. Hæð öldu er mæld frá öldudal að næsta öldutoppi.

Ölduhæð er kennialda og er skilgreind sem meðaltal af hæsta þriðjungi af öllum öldum. Hæsta alda miðað við 200 öldur getur verið 63% hærri en kennialdan.

Sveiflutími er meðaltími á milli aldna. Lengd öldu (milli toppa) er 1,56 sinnum sveiflutími í öðru veldi.

Dæmi:
Kennialda 2,7 m
Meðalsveiflutími 7,9 s
Öldulengd = 1,56 × 7,9 × 7,9 = 97,4 m